Gawai Dayak 2009 at Rumah Anthony,Bukit Taba, Bawang Assan, Sibu, Sarawak

Apai indai & sidaka besai tuai berami di ruai lalu anak ngatika diri di tanju rumah panjai.

Calvyn Philip anak Umpu benong nyadaka lagu iya lebuh enggau bepekit karaoke anak mit lebuh malam 31.05.2009 ba Rumah Anthony, Bukit Taba, Bawang Assan, Sibu, Sarawak.


Peda olih kita semua. Nya iya Munong udah ka. Gasak amat igat. Anang malu, tu maia kitai nunjukka pengelandik diri. Tu lebuh beranyai udah Gawai Dayak 2009. Lebuh tu kena 1.6.2009.














Di baruh tu entua January tauka Mukah benong nunjukka pengelandik iya ngajat lebuh enggau bepekit malam 31.5.2009. Taun baru datai baru isan.






Gambar tu nunjukka gamal bala dara bajik ari Rumah Anthony, Bawang Assan ka enggau bepekit kumang anak mit lebuh malam 31.5.2009.
















Audery Vanessa anak Thomas tu siku ari bala anak mitka bisi masuk pekit karaoke anak mit lebuh malam 31.5.2009. Iya bulih numbor 2 malam nya.

Bala anak mitka enggau pekit kumang benong nganti pemutus pekit nya.

Lebih kurang jam pukul 7.30 lemai malam 31.05.2009 bisi wakil ari gereja Methodist Bawang Assan datai nguluka bala besembayang minta berekat ari Alah Tala awakka pengawa rami Gawai Dayak 2009 mujur lalu taunka datai tau mai penyenang enggau pengelantang ka lebih agi ari taun ka udah. Terima kasih ketegal ulih nguluka bala kami besembayang. Puji Ka Tuhan lalu Puji Ka Iya Ti Datai Ari Tuhan Mega.

Sempekat Dalam Rumah Panjai Kami.

Gambar tu diambi maia gotong royong ngaga bansar perauka diberi ari grant (MRP) mansa Wakil Rakyat kami ianya Datuk Robert Lau Hoi Chew (MP Sibu enggau Lanang), enggau Dato' Seri Wong Soon Koh ADUN Bawang Assan.

Ti bisi pengawa/projek deka diatur kami semumah selalu berandauka chara ngatur/ngereja pengawa nya.

Nerima Penatai Temuai

Peda kitai Joseph anak Munan tauka apai pendek benong nunjukka pengelandik iya ngelinggokka diri lebuh ngajag maia nerima penatai temuai (YB Datuk Seri Wong Son Koh enggau bala iya ka rumah panjai kitai taun 2008.